over the ocean

I weiss die Täg si scho verbi u gliich möchti no churz verzeue wasi aus gmacht ha 😉
Hie in Amerika fiire si dr Karfriti und Ostermänti nid, das heisst i ha nur wi immer Samschti und Sunnti frei gha.
Nachere stränge Wuche mit viu lehre und practice tests bini am Friti nach dr Schueu mit Beachvolleyball ines sportlechs weekend gstartet. Am Samschti hani sit langem widrmau usgschlafe und bi de i Griffith Park ga hike. Mir si ufem Mount Hollywood blibe bis d Sunne ungergange isch und hei somit e herrleche Sunneungergang gseh.
U nid z vergässe e fantasteschi Sicht über LA und z wäutbekannte Hollywood sign.

Ja u ner am Sunnti heimer Bikes gmietet und si uf dr Strandpromenade vo Santa Monica bis nach Dockweiler gfahre und hei dört es BBQ gha.
Aah und übrigens weni säge mir, de si drmit eiglech immer di angere students vor Schueu gmeint woni öpe mitne ungerwägs bi. 🙂
I cha fasch nid gloube dasi its scho ir dritte Wuche z LA bi, es geit auso zimli rasant gägem Exam zue…
Scho gli gits widr news, häbets guet!!

Uff, es isch e Wuche här sitem letschte Bitrag u es isch e huufe glofe sit denn 🙂
Letscht Mänti hani e Istuefigstescht gha und dä sowit bestande dasi im Cambridge course cha blibe… Am Abe heimer de so e Art welcome Apéro gha ufemne rooftop vomne Hotel (dir gseht, mis Vokabular vermischlet sich langsam mitem English^^). Dert hani zerscht mau z Hollywood sign gseh und gwüsst dasi würklech z L.A. bi hehe
Am Zischti am Abe simer nach dr Schueu in Westwood ga käfele und de gäge Abe nach Koreatown ga Korean barbecue ässe. Es isch delicious gsi 🙂 zwar chli spicy, abr fein. I tue mi kulinarisch Horizont erwitere und gwöhne mi a aus 😉
Ja d Lüt hie si super, si zwar widr zwöi Dütschschwizer i mire Klass abr mir gäbe üs aui Müeh für nid Dütsch z redä…
Jaaa und mis erschte weekend ufem Feschtland hani in Las Vegas verbracht 😀
Mir hei z füft es Outo gmiete und si id Wüeschti use gfahre… D Fahrt isch extrem und i meine würklech extrem läng gsi, eigentlech übertribe für nur es weekend. Abr es het sich glohnt!!
Es isch e fantasteschi Stadt, mit fasizinierendem nightlife. Mir si ga gamble, was ja so üeblech isch, hei aus verlore hahaha abr ja dr Verluscht isch für aui verchraftbar gsi…
Ner simer zum Red Rocket Valley gfahre, hei dert ä wunderbari Landschaft atroffe, si am Abe ane Party gange, und de am nächschte Tag ine Outlet ga shoppe… Und last but not least heimer natürlech z Las Vegas welcome sign gseh 🙂

Ja i hoffe i cha scho gli widr nöis verzeue, mir wirds uf jedefau nid längwilig, was abr o a de vile Husufgabe ligt womer jede Tag hei… Z Ziu isch ja schliesslech z Cambridge certificate^^

Sooo mini erschte zwöi Täg in L.A. si düre und i bi sooo happy dasi da bi!! I ha scho dänkt i wirde Hawaii vermisse abr hie ischs o totau kuul!! E risegi Stadt, es kuuls nöis dehei, super class mates, i fröie mi mega uf di nächschte paar Mönet.
Geschter hani e Usflug a Strand gmacht. Vo mim Huus us si ds öpe 40min z Fuess. Dert bini de chli ar Promenade entlang glofe, bi zum wäutwit bekannte Santa Monica Pier glofe, ha e dance show imne Park gseh, bi witr zure bekannte „Flaniermeile“ u vo dert us de widr hei. Und ersch ufem Rückwäg hani gmerkt wi wiit i eiglech glofe bi und das meega müed bi. Und de widr dehei bini direkt is Bett.
Ja u hüt hani dr erscht Schueutag gha, no mit Istuefigstescht. Morn startet de nacheme witere Tescht dr normau Ungerricht.
Eeeehm ja i ha bereits Kollege us auer Wäut lehre kenne, si si aui u nät und ds wird gloub e rächt spannendi Ziit. Dir chöit öich uf interessanti Erläbnis fröie. 😀
Good night everybody…

Grad hüt hani mi ertappt wini smilend bi heiglofe… I bi so happy das di Reis ha gstartet 😀 i ha es rise Glück dasi di Möglechkeit ha…
Die Wuche bini no einisch ga schnorchle u ha zwe wunderbari Stränd gseh.
Geschter bini ufem Diamond Head gsi, vo wo us me e fantasteschi Sicht über Honolulu und z Meer het. Dr Ufstig isch zwar chli asträngend gsi i derä Hitz abr es het sich definitiv glohnt.

Ja u hüt hani its zum erschte mau i denä zwöi Wuche chli z viu Sunne verwütscht und bimi flissig mit Aloe Vera Creme am ischmiere :-S
Morn isch leidr scho mi letscht Tag z Hawaii, da gani no ufnes Picnic mit dr Schueu und am Abe ga ässe und de flügi am Samschti de witer nach L.A.
I hät auso nüt drgäge no chli lenger da z blibe, es isch eifach unfassbar wi schöns da isch.
C u 

Wie scho vorus gseit, bini hüt ufne tour rund umd Insle mit mire Hostmom und zwöi Kolleginne vor Schuel. Mir hei tolls Wätter gha, hei diversi Ussichtspünkt bsuecht, si a mehrere Buchte gsi (eifach nur troumhaft), si bire Ananas Farm gsi, i ha mini erschte Shrimps gässe, und mis high light isch dr Sunset Beach gsi…

Höchi Wäue, schöne Strand, weni Lüt. Wunderbar.
Ja und da ig hie nur so e „Feriekurs“ bsueche hani morn frei und ga nomau ga snorkle… 😀
Scho gli gits widr news…

Soo mi letscht Bricht isch scho es paar Täg här, drum gits its widrmau es paar news.
I derä Wuche bini am Donnschti no ga z Hula tanze bsueche, ds isch witzig gsi abr me aus einisch gani gloub nid.
Ja und wis so geit hani eiglech fasch jede Nami am Strand verbracht, es isch eifach herrlech hie! Zwar nid ganz so warm wie erwartet abr me hautets doch mit churze Hose us 🙂
Am Friti bini am Abe ufne Bar tour vor Schuel us, das isch u gmüetlech gsi, mir hei ono es Fürwärk am Strand gseh, und am Schluss bini de miteme andere swiss girl ir Nashville Bar glandet womer sogar no chli hei chönne tanze. Übrigens het si vo ihrem Apartment us e wunderbari Sicht über Honolulu:

Ja und das e relativ längi Nacht isch gsi heimer entschide am Samschti am Strand z enspanne und hei de am Abe no e Sunneungergang gseh 😀

Morn geits mit mire Hostmom ab ufne tour rund umd Insle und mini zwöi nöie Bekannte us dr Schwiz und us Östrich chöme o mit. 🙂
See you 🏄

Hüt bini ufne snorkeling tour gange, es isch fantastisch gsi. Ungerwägs simer ufnes Pirateschiff gstosse…

Unger Wassr hani e Viufaut a Fische gseh und sogar es paar Schiudchröt 🙂 u de bir Heifahrt heimer zur Überraschig vo aune no e Wau gseh ufspringe e paar Meter vor üs 😀 es isch e wunderbare Nami gsi.

Dr Ifüehrigstag isch düre, Strand und Walmart si bsuecht, cellphone und hawaiianeschi Nummere si kouft und its machi e chline erholigs nap… Es isch fantastisch hie!! 😀

Its ischs sowit, i warte druf dasi ändlech cha is Flugzüg istige… Mis Hab und Guet hani wunderbar chönne verstoue i Koffer u Rucksack, its hoffi nume das de o aus z Honolulu achunnt. De würdi säge, dr nächscht Bitrag chunnt de vo Hawaii woninech hoffentlech es paar schöni Strandbiudli cha zeige… U its heissts ab id Luft 😀

PS: dä Post hät scho z Züri söue ufeglade wärde abr es het grad nid wöue wie ig^^ uf jedefau bini mittlerwile z Los Angeles und warte widr druf dasi cha ids Flugzüg istige nach Honolulu 🙂 bis its het aus wunderbar klappet 😀

Vo dem hani letscht Nacht tröimt. 😉