Zyt vergeit wi im Flug…

Its bini auso scho ir letschte Wuche vom Volontariat acho. Me gwöhnt sich relativ schnäu ad Arbeit und mittlerwile heimer o chli me Zyt üs um d Ching z kümmere wöu mir d Arbeit kenne u schnäuer schaffe. Das heisst mir chöi mitne use ga loufe, mau versueche es paar Sprachüebige z mache u se zum Lache bringe.
Es bruucht nid viu das si merke dases öper guet mitne meint. Und wesi de vö afa lache und säuber ufne ganz eifachi Art Witzli mache u me sich mit ihne fröit isch ds aus wos bruucht. Me cha afa e Verbindig ufboue und scho am Morge weme zur Tür inechunnt strahle si übers ganze Gsicht. Wahnsinn! <_3 Näbscht dr arbeit hani letscht wuche no dörfe geburi fiire. 😀 I hamer de gwünscht dasmer zum Zmittag gö ga cuy ässe, dame das ja scho mau mues probiere weme in Peru isch. So het de mis Täuer usgseh:

image

Es isch its auso nid grad zu mire Lieblingsspiis worde u i wirdes höchschtwahrschindlech o nieme irgendwo bsteue.. Nid das z Fleisch nid guet wär, s isch fasch wi Poulet aber d Art wis präsentiert wird und ner wimes vo Hang vertromet… Naja :-S
Uf jedefau hani das Erläbnis its o hinger mir und es het de zum Glück no es Stück Schwarzwäudlertorte gä zum Dessert.
Am Abe bini de no i Usgang und ha mit de Fründe vor Schueu chli gfiiret. 🙂
Aus i Auem, ganz ä gäbige Geburi.
Mini Zyt in Cusco isch ja its de oscho baud düre und i ha its fang z Busbillett nach Puno kouft dasi de am Samschti cha zum Lake Titicaca fahre u de startet de di letschti Etappe vo mire Reis. 😀



1 Comment »

  1. Sanel Alić Said:

    on 29. Dezember 2015 at 2:35   Antworten

    can you translate that into English
    I would be very grateful
    Thank you from heart.
    🙂

Trackbacks/Pingbacks

  1. Received Daily Deals

{ RSS feed for comments on this post} · { TrackBack URI

Leave a Comment