over the ocean

So nach eire Wuche in Cusco hani mi scho chli ads „Grossstadtläbe“ gwöhnt. Mir macht z Abgas vo de Outo fasch me us aus d Höchi… D Luft hie isch mega troche und weme nid grad ar Sunne isch, de bruuchts Haustuech und Jagge. Abr nichts desto trotz gfauts mir hie. D Bärge si so nöch u s het viu interessanti Ruine azluege und Gschicht zum lose in Cusco.
Am Friti bini am Abe ine Bar mitere Ussicht zum tröime gange. Me het über die ganzi Stadt gseh und ner d Liechter vo de Hüser u Strasselampe… Faszinierend! Und de zu üsem Glück hets no es Füürwärk gä womer hei chönne zueluege. I ga dert difinitiv widr häre u nime de z nächscht mau o d Kamera mit^^
Jaa u abem Mänti wirdi Privatunterricht ha da nur so weni Studänte ir Schueu si und niemmer me uf mim Level. Das heisst i wirde me Spanish redä und üebe was ja z Ziu vo mire ganze Reis isch 😉
Bis gli einisch…

Wi dir sicher gmerkt heit het mi Blog chli Ferie gmacht. I ha di 2 Mönet in Montañita gnosse zum eifach mau chli sii, natürlech näbscht dr Schueu.
Da sitem letschte Bitrag einegi Wuche si verbi gange gits its o chli öpis z verzeue…
Verblibe simer gloub bi dr Isla de la Plata. Ufem Wäg dert häre heimer Delfine, Wale u turtles gseh. Uf dr Insle säuber hets när verschideni Vögu gha. Die meischt bekannte si gloub d blue footed boobies… Aus i auem ä wunderbare Tag.
Ja ner ir nächschte Wuche hani mi widr mit surfe versuecht und ha de o es paar Fortschritte gmacht. Leidr bini abr de nachem dritte Tag vore stingray gstoche worde und ha mini erschti Erfahrig im Spitau vo Manglaralto gmacht. D Behandlig isch gratis gsi und si heis auso me odr weniger professionell gmacht, natürlech si d Hygienestandards nid vergliichbar mit denä ir Schwiz. Uf jedefau bini de scho gli widr besser zwäg gsi und ha mi am Friti widr ufs Brätt trout… Das hetsech abr aus Fehler usegsteut, wärs gloubt odr nid, i ha e zwöite Stich übercho und bi de scho chli glassener und eifach nur gnärvt gsi wöui das ganze Prozedere ja scho kennt ha. Aus chlini Näbeinfo, dr Stich isch relativ schmärzhaft, s faht afa blüete und ner brönnts wie Wahnsinnig! Jaaa und da i ner widr ha Injektione übercho und wahrschindlech no chli agschlage vom letschte mau bi gsi hetsmi de is Bett ghoue mit Fieber und di ganzi nächschti Wuche bini völlig schlapp gsi.
Das wär so chli mis erschte negative Erläbnis gsi i mire Reiseziit bi its.
Abr vergässe mir das gschidr widr, i hami de speter widr ufs Brätt trout und ha jedi Lektion ohni Zwüschfau gnosse. Mini Täg hani mit Schueu, Schlafe, Sünnele, Choche, Volley odr eifach chli ir Hängematte verbracht.
Its chömemer no zum Höhepunkt vo mim Ufenthaut in Ecuador! 😀 😀 😀
I ha mit äre Kollegin vor Schueu ä Abstächer zu de Galapagos gmacht! Das isch eis vo de beschte Erläbnis ever! Die Landschafte, Tier und z Wätter si Wahnsinnig gsi! Mir hei im Vorus nur dr Flug buecht und hei ner aus vo de Insle us gmacht. Jede Trip lohnenswärt, jede Strand es Erläbnis. S isch paradiisisch dert! 😀

I bi für ei Wuche dert gsi u ner widr zrügg nach Montañita für di letschti Wuche in Ecuador. Das heisst no einisch vougas Fiesta und verabschide vo au de Bekanntschafte. S isch e tolli Ziit gsi!
Jaa u mittlerwile bini scho in Cusco und ha mi erscht Schueutag hinger mir. Ds Klima hie isch völlig angers, i bi vo 0 uf 3’300 M.ü.M. greist, d Luft isch viu trochener und s isch iischchaut ir Nacht. Abr i wohne its mitts imne valley und bimne eutere Ehepaar wo meeega fründlech isch. I wirde definitiv mis Spanisch chönne verbesserä i derä Ziit hie.
U de würdi säge bis zum nächschte mau, i hoffe dases dasmau nid sooo lang geit 😉

Waaahnsinn! 2 vo mine 8 Wuche si scho düre! D Zyt vergeit wie im Flug hie und s laht sich definitiv la läbe da 🙂
Z Español macht mir auso rächt müe, was abr o dran lug dasis nie bruuche^^ i rede mit aune Änglisch idr Dütsch und so hani nur weni progress ir nöie Sprach. Abr i ha ja no es paar Wuche Zyt zum das ändere.
Mis nöie dehei hie isch troumhaft! Dr Strand isch nur wenefi Minute wäg und z Wätter zum bade jede Tag wunderbar. I hami fang einisch bim Surfe versuecht und es fägt, isch abr no asträngend. Nächscht Wuche nimi nomau es paar Lektione und fröie mi uf Verbesserig 😛
Letscht Samschti simer ufne Bootstour gange zum Wale z luege und tatsächlech heimer se gseh und i ha sogar chöne Föteli mache.
Morn gits its de e Usflug ufne Insle u de bini gspannt wasmer aus für Tier entdecke.
Uf jedefau gniessis mega hie und s isch e gueti Erholig nach em Cambridge course vorher…
Hüt am Abe hani di erschte Biuder vom Sunneuntergang gmacht, es isch eifach jedesmau widr troumhaft das Naturereignis z beobachte.

I hoffe i chanech scho gli me verzeue vo dem wunderbare Ort! 😀
Ah und bevor is vergisse, merci a aui womer di liebe Kommentare schribe, i fröie mi jedesmau meeega z ghöre wis öich geit 🙂

Oh es isch fantastic das d Prüefige düre si!! U es isch gar nid mau so schlächt glofe. Its muesi nur no ufd Resultat warte…
Am Donnschti heimer e chlini Farewell Party gha. I bi gliich fasch e chli sad gsi zum witer flüge, abr eiglech nume wöuimi vo so viu tolle Lüt ha müese verabschide. D big city hani afe chli gseh gha.
Jaa und its bini da i mim Cabaña in Montañita u morn startet d Schueu. Dr Flug isch tiptop gsi und o dr Transport vom Flughafe zum nöie home het klappet o wenn d Fahrt e chli holperig isch gsi 🙂
Dr Ungerschid isch wahnsinnig, es isch z totale Gägeteu vo LA. Hie hani 10min für z ganze Dörfli z dürquere whereas in LA würdi z Fuess äuä e ganze Tag bruuche. Hehe u s het natürlech, oh Wunder, widr viu Europäer da. Und i ha auso fasch me müe Hochdütsch z redä aus English, was ja eiglech es guets Zeiche isch 😀
I bi gspannt wasi da aus wirde erläbe…
Bis gli

Just amazing! Unbeschriblech, grandios und d Fotis zeige nume d Heufti vo dere faszinierende Landschaft!! I has its am Wucheänd doch no gschafft zum Grand Canyon z ga und es het sich definitiv glohnt. 😀
I bi mitem Zug ungerwägs gsi, das het e haubi Ewigkeit duuret und de hetme no Verspätige gha vo jewils 2-4h, auso nid z vergliiche mit üsne schnäue europäische Züg. 😛
Schlussendlech bini abr de i däm Nationau Park acho und ha die Ussicht und Landschaft chönne gniesse. Z Wätter isch perfekt gsi und da i e Nacht dert verbracht ha hani chöne dr Sunneungergang beobachte.

Ja was hani schüsch no gmacht… I bi ide Universal Studios gsi, was z Gäud nid würklech wärt isch, drfür hani ner am Tag druf e personal guide for free dür d Sony Studios gha u dert hani de würklech hinger d Kulisse gseh und bi schockiert gsi das imne Fium eiglech nüt in real gmacht isch… Hehe
Ah jaa u vilech no zu mim suuuuper feine Znacht imne koreanische Restaurant… I ha am Afang vo mire Reis gseit dasi aus isse wo ufe Tisch chunnt u das ischmer zum Verhängnis worde :-S
Es het Innereie zum „Dessert“ gä abr i ha tapfer aus achegschlückt… Hihi soooo schlimm ischs nid gsi, es gseht nume seeehr unappettitlech us…
Und ja its bini ir letschte Wuche hie in LA und bi am packe was relativ schwirig isch da i komischerwis me Chleider ha aus woni bi acho 😉
U mini Nervosität isch am stige, tomorrow und am Donnschti hani d final exams… Und natürlech bini gspannt wis de wiitergeit in Ecuador. Abr solang aus so ribigslos louft wie bis its… Gsehni da keni grosse Problem.
I dänke z nächscht mau ghöret dir de vo mir weni in Ecuador bi…
So see you soon 😀

Uuuh hüt isch e super Tag gsi!! Das isch uf jedefau e Itrag worth it…
Sit i da bi fragi mi wo äch au di Stars und Stärndli si blibe… Und hüt hani äntlech es paar gsi!! Bi ar Premiere vom movie Entourage gsi und ha dert fougendi Stärndli gseh: 😀
T.I
Mike Tyson
Mark Wahlberg
Scott Caan
Bow Wow
Wiz Khalifa

Und das si nur die woni scho mau drvo ghört ha…. Natürlech si no viu me dert gsi und anschindend rächt berüehmt abr i hase nid kennt 😛
Leidr heimer vergäbens ufd Jessica Alba und e Liam Neeson gwartet. Abr i cha its es witers Hägli uf mire Lischte mache 😉

Stars ✔

My dear readers
Mini Ziit hie geit scho gli am Ändi zue und irgendwie fröii mi ufne Wächsu u gliich wärs schön no chli lenger da z blibe…
Abr da i no zwöi Wuche vor mir ha luegi its lieber no zrug wasi aus erläbt ha und was no chunnt ir nächschte Ziit.
I bi in San Francisco gsi und aui wo scho mau dert si gsi chöi ds sicher bestätige: it is such a lovely city!!
I bi uf dr Insle Alcatraz gsi, ehemals es Gfängnis und its ghörts zum Golden Gate Recreational Park, ha dert ä gfüehrti audio tour gha und es isch very interesting gsi.
Ner natürlech d Golden Gate Bridge itself…

Die Brügg isch mega impressive u mir hei z perfect weather drzue gha!! Vilech fauts nech uf, komischerwis chöme mir teu Wörter nur o in English i Sinn und i mues fasch me überlege wies äch uf Dütsch heisst 😉
Ja was heimer no gseh dert… Mir si mit de Cable Cars gfahre, am Pier 39 und dr Fishermen’s Wharf gsi, hei d Lombard Street gseh, si üs im Dungeon ga fürchte und natürlech heimer o China Town gseh. Ah und by accident heimer usefunge das am eintä Tag no Carneval isch gsi und de simer natürlech ga luege. 😀
The weekdays are passing by so fast, ja de hani aube gar nid sooo viu ziit öpis azluege odr z mache.. Abr am Mittwuch abe hani no öpis ussergwöhlechs gmacht, i bi are stand up comedy night gsi. Und nach dem Abe füehli mi rächt confident dasi d exams wirde bestah, i ha nämlech so zimli jede joke verstange.
Ja wi gseit, z English isch mir more familiar und i füehle mi scho fasch wie at home.
Das weekend wo chunnt machi gloub e attraction break u ga eifach chli a strand ga si, ds hani scho sit Ewigkeite nümme gmacht und i weiss scho gar nümm wis am Strand usgseht^^ und ner hani äuä nümm gross Ziit für das da ig unbedingt no wot dr Gran Canyon gseh!!

Das Biud zeigt nume e chliine Teu vor überwäutigende Landschaft woni am Wucheänd bi gsi 😀
I bi am Friti morge am 3.30 gstartet mitem Mietouto, ha vier Passagiere ufglade und de simer ab i Norde gfahre…
Im Park acho simer mit Schnee konfrontiert worde, ds heimer abr vorhär scho gahnet gha^^ es het abr niemer vo üs drmit grächnet gha dasmer jemaus wärde Schnee aträffe während üsem Ufenthaut in California.
Mir si ner imne Zäut übernachtet, wos relativ chaut isch gsi und mir üs es bitzli vor Bäre gfürchtet hei, zum Glück isch abr kenä uftoucht hehe.
Am Samtschti heimer ner e 4.4 mile hike gmacht, ds isch zimlech exhausting gsi abr dr Ufstig het sich definitiv glohnt, d Ussicht vom Glacier Point isch unbeschriblech gsi!!
Mir si ner am Abe widr usem Park use und si imne Hotel übernachtet wos zum Glück schön warm isch gsi 🙂
Am Sunnti simer zrügg nach Santa Barbara und dert ine Outlet ga shoppe und de isch das weekend leider scho widr düre gsi…
Ja u was chani schüsch no verzeue… Am Zischti bini imne Vergnüegigspark gsi u ds isch dr absolut Wahnsinn gsi! Die rollercoaster si super und tuusig mau besser aus im Europapark 😉
Und jaaa i weiss hehe i ha zwöi Täg ir Schueu gfäut, abr mir hei gsamthaft 3 Täg z guet womer chöi fähle^^
Ah und z Weekend before bini im Malibu gsi u ha dert es Huus mit Hustier ghüetet 🙂 drzue hani chönne dr Pool und di bezouberndi Ussicht gniesse.
Die Wuche bini no iglade bire Kollegin zum ga koreanisch ässe und am Friti hani es date mitem hairdresser 🙂 mau luege öb die mit mine Haar z schlag chöme 😉
Uf wasi mi aus nächschts fröie isch z mexican fiesta wo vor schueu us organisiert wird und nechscht Sunnti stattfindet. I bi gspannt wases dert aus z gseh git. 🙂

Hui scho widr isch z nächschte Weekend verbii und i ha no nidmau vo San Diego verzeut!! Es isch mega cool gsi dert und im Gägesatz zur Fahrt nach Las Vegas ischs dasmau nur e Chatzegump gsi. Mir hei am Samschti dr Zoo bsuecht, s het mir abr nid soooo gfaue au di igsperrte Tier z gseh… Me hetnes richtig agmerkt das si nid irem ursprüngleche surrounding si.
Nach dem Bsuech simer de ufd Coronado Island gange und hei dert dr Sunneungergang gseh u drzue e feine Drink gschlürft. Ah und bevor is vergisse: zum Zmittag si mir im wäutbeschte Burgerrestaurant gsi und hei ner nüt me chönne mache aus am Strand umelige wöu mir so vou si gsi!! Dä Burger isch dr Wahnsinn gsi!! 😉
Am Abe simer ner no i Usgang und de isch dr erscht Tag scho verbi gsi.
Am Sunnti simer richtig boarder gfahre und zwöi vo üs vier hei e Abstächer nach Tijuana gmacht. I bi abr im Outlet blibe da ig lieber warte bisi z Ecuador bi um richtig i Südamerika iztouche.
Ja ner heimer de scho widr dr Heiwäg aträtte und si a wunderschöne Plätzli verbi cho wie z.B. La Jolla. Wunderschöni Stränd und d seals si so nöch gsi dasme sä hät chöne striichle.

So weekends gö eifach viiiiu z schnäu verbi, u leidr chuntmer o immer ersch am Sunnti Abe i Sinn dasi ja no Husufgabe hät 😛
Ner hmmmm dür d Wuche hani natürlech ono paar Sache ungerno. Am Zischti bini in Brentwood gsi, es härzigs Quartier näb Santa Monica d Hüser dert gseh us wie im Märli…
Ner am Donnschti bini in the Grove gsi. Es shopping Areau miteme Zügli wo drdür fahrt. Mega cute.
Am Friti bini am Abe in Hollywood gsi, zersch ga ässe und ner i Usgang wöus dr letscht Abe vore Schwizerin vor Schueu isch gsi.
Geschter bini mitem Bus nach Malibu gfahre. S isch wie i de Fiume.. Wunderschöni Villene, super Ussicht und z Meer isch herrlech!! Ja drum bini hüt grad widr gange 🙂
Bi iglade gsi bire Schwizer family und ha de grad e Job gfasst: house sitting… I wirde nächscht Wucheänd uf iri Huustierufpasse und drfür d Ussicht und dr Pool gniesse 😀
Mini Reis blibt auso spannend und immer voller Überraschige!! I liebes!! Ah und last but not least, hüt bini amne dutch festival ufem Santa Monica Pier gsi. Si fiire hüt und morn dr King’s day und da mir d Lideweij vo Holland i üsere Klass hei heimer natürlech müesse mitfiire 🙂

Es isch widrmau Ziit fürnes Brichtli..
I ha relativ viu odr äbe o nid viu erläbt, je nach däm wimes aluegt. D Wuche nach Ostere isch ohni grossi highlights verlofe. Am Mänti bini im (am odr wie o immer me ds seit) rodeo drive gsi. Dert si luuter Marke stores wie Gucci, Prada usw. und anschliessend hets es feins Dessert ir cheese cake factory gä. De am zischti het d Schueu es Ping Pong Turnier organisiert, s isch abr nid sooo intensiv gsi 😉
Jaaa und ner isch d Wuche verbii ohni viu drvo z merke. Am weekend bini widr ga Beachvolley spile und i ha e Usflug nach downtown gmacht womer leidr z spät gmerkt hei dasmer gschider e Station früecher usem Bus usgstige wäre. Mir si schlussändlech dür au di homeless people glofe wo mit irne Zäutli uf dr Strass läbe.
Ner heimer aber de no di schöneri Site vo LA downtown gseh wie z.B. d Walt Disney Concert Hall.
Jaaa u ner letscht Mänti hani mit schrecke feschtgsteut dasi ja numeno 8 Wuche hie ha und no laaaaaang nid aus gseh ha. Drum hani mit mire hostmom de ä Liste ersteut mit auem woni mues gseh ha. Gstartet mit abhägle hani de scho am Zischti mit em Walk Of Fame:

Ja und hüt bini im Getty Park gsi, es fantastischs Areal mit wunderbarer architecture.
Dir gseht, i bi mini Wuchetäg flissig am usfüue und o d weekends si immer guet zum Nöis entdecke. Z nächschte verbringi de in San Diego 😀
Und de würdi säge bis gli (#)