San Diego and other things
Hui scho widr isch z nächschte Weekend verbii und i ha no nidmau vo San Diego verzeut!! Es isch mega cool gsi dert und im Gägesatz zur Fahrt nach Las Vegas ischs dasmau nur e Chatzegump gsi. Mir hei am Samschti dr Zoo bsuecht, s het mir abr nid soooo gfaue au di igsperrte Tier z gseh… Me hetnes richtig agmerkt das si nid irem ursprüngleche surrounding si.
Nach dem Bsuech simer de ufd Coronado Island gange und hei dert dr Sunneungergang gseh u drzue e feine Drink gschlürft. Ah und bevor is vergisse: zum Zmittag si mir im wäutbeschte Burgerrestaurant gsi und hei ner nüt me chönne mache aus am Strand umelige wöu mir so vou si gsi!! Dä Burger isch dr Wahnsinn gsi!! 😉
Am Abe simer ner no i Usgang und de isch dr erscht Tag scho verbi gsi.
Am Sunnti simer richtig boarder gfahre und zwöi vo üs vier hei e Abstächer nach Tijuana gmacht. I bi abr im Outlet blibe da ig lieber warte bisi z Ecuador bi um richtig i Südamerika iztouche.
Ja ner heimer de scho widr dr Heiwäg aträtte und si a wunderschöne Plätzli verbi cho wie z.B. La Jolla. Wunderschöni Stränd und d seals si so nöch gsi dasme sä hät chöne striichle.
So weekends gö eifach viiiiu z schnäu verbi, u leidr chuntmer o immer ersch am Sunnti Abe i Sinn dasi ja no Husufgabe hät 😛
Ner hmmmm dür d Wuche hani natürlech ono paar Sache ungerno. Am Zischti bini in Brentwood gsi, es härzigs Quartier näb Santa Monica d Hüser dert gseh us wie im Märli…
Ner am Donnschti bini in the Grove gsi. Es shopping Areau miteme Zügli wo drdür fahrt. Mega cute.
Am Friti bini am Abe in Hollywood gsi, zersch ga ässe und ner i Usgang wöus dr letscht Abe vore Schwizerin vor Schueu isch gsi.
Geschter bini mitem Bus nach Malibu gfahre. S isch wie i de Fiume.. Wunderschöni Villene, super Ussicht und z Meer isch herrlech!! Ja drum bini hüt grad widr gange 🙂
Bi iglade gsi bire Schwizer family und ha de grad e Job gfasst: house sitting… I wirde nächscht Wucheänd uf iri Huustierufpasse und drfür d Ussicht und dr Pool gniesse 😀
Mini Reis blibt auso spannend und immer voller Überraschige!! I liebes!! Ah und last but not least, hüt bini amne dutch festival ufem Santa Monica Pier gsi. Si fiire hüt und morn dr King’s day und da mir d Lideweij vo Holland i üsere Klass hei heimer natürlech müesse mitfiire 🙂
Brigitte Palandrani Said:
on 3. Mai 2015 at 13:26
Liebi Sarah
Immer wieder spannend di Blog:) Möcht am liebste bi dir si u ou chli spannendi idrück sammle u vorauem chli Sunne u Wärme. Bi üs isch das Wucheänd so richtigs huduwätter (räge räge u nomau räge!!) Auso gniesses umso meh:)
Ha übernächsti Wuche ou Ferie u mir gö nach Spanie ga Golfe. Isch natürlech mit dire reis nume e chline wärmuetstropfe, aber immerhin e chlini uszyt. Witerhin viu Spass.
Ganz liebe Grüess
Brigitte
Annagret Ryffel Said:
on 4. Mai 2015 at 10:35
Liebi Sarah
Deine Berichte tönen extrem spannend, am Liebsten würde ich das alles auch live erleben. Vielleicht einmal. Ich wünsche dir weiter eindrückliche Erlebnisse, wunderschöne Momente und liebenswerte Menschen, die dich begleiten. Lg u bb Annagret
Eliane Roth Said:
on 11. Mai 2015 at 15:34
Hey Sarah
Interessant diner Blogs, liese immer wieder gärn, was erläbsch, wiäs dir geit u was aues ungernimmsch.
Ändlech hei mir hie ou schöns, warms Wätter. Me gniesst grad ä chi.
U wemer de no verchürzti wuche hei mit Uffahrt und eventuell Brügg macht, gseht’s scho chli nach Ferie us.
Gniess dini zyt u heb sorg.
Liäbs Grüessli us Bärn
Eliane