Already 1,5/8 month
Es isch widrmau Ziit fürnes Brichtli..
I ha relativ viu odr äbe o nid viu erläbt, je nach däm wimes aluegt. D Wuche nach Ostere isch ohni grossi highlights verlofe. Am Mänti bini im (am odr wie o immer me ds seit) rodeo drive gsi. Dert si luuter Marke stores wie Gucci, Prada usw. und anschliessend hets es feins Dessert ir cheese cake factory gä. De am zischti het d Schueu es Ping Pong Turnier organisiert, s isch abr nid sooo intensiv gsi 😉
Jaaa und ner isch d Wuche verbii ohni viu drvo z merke. Am weekend bini widr ga Beachvolley spile und i ha e Usflug nach downtown gmacht womer leidr z spät gmerkt hei dasmer gschider e Station früecher usem Bus usgstige wäre. Mir si schlussändlech dür au di homeless people glofe wo mit irne Zäutli uf dr Strass läbe.
Ner heimer aber de no di schöneri Site vo LA downtown gseh wie z.B. d Walt Disney Concert Hall.
Jaaa u ner letscht Mänti hani mit schrecke feschtgsteut dasi ja numeno 8 Wuche hie ha und no laaaaaang nid aus gseh ha. Drum hani mit mire hostmom de ä Liste ersteut mit auem woni mues gseh ha. Gstartet mit abhägle hani de scho am Zischti mit em Walk Of Fame:
Ja und hüt bini im Getty Park gsi, es fantastischs Areal mit wunderbarer architecture.
Dir gseht, i bi mini Wuchetäg flissig am usfüue und o d weekends si immer guet zum Nöis entdecke. Z nächschte verbringi de in San Diego 😀
Und de würdi säge bis gli (#)
on 21. April 2015 at 21:23
Hallo Sarah
super schön die Biuder aui ds gseh und spannend, au Diner Brichte drzue chönne ds läse. Ig hoffe, es geit Dir guet und dass Du Dini Reis i voue Züg chasch gniesse. Mängisch chani mi sogar fasch bildlich i Di ine versetze wenn vo LA schribsch, z.B. vom Rodeo Drive, Downtown LA, Walk of Fame. In LA hani ds erscht Mau (und leider ou grad ds letscht Mau) i mim Läbe bime Strassekünstler e Schlange chönne strichele 🙂 das si aues so „Chlinigkeite“ wo eim es Läbe lang in Erinnerig wärde blibe und wo eim niemer cha näh! Ig wünsche Dir, dass Du no viiiiu so tolli Erlänbnis wirsch ha! Gniesses, bis gli wider hie i dim Blog. LG Clöde
on 23. April 2015 at 11:37
Liebe Sarah
Schön, deine Berichte u Fotos zu lesen. Du siehst immer besser aus. Geniesse diese Reise weiterhin so toll!
Herzlichst Marianna