Easter days
I weiss die Täg si scho verbi u gliich möchti no churz verzeue wasi aus gmacht ha 😉
Hie in Amerika fiire si dr Karfriti und Ostermänti nid, das heisst i ha nur wi immer Samschti und Sunnti frei gha.
Nachere stränge Wuche mit viu lehre und practice tests bini am Friti nach dr Schueu mit Beachvolleyball ines sportlechs weekend gstartet. Am Samschti hani sit langem widrmau usgschlafe und bi de i Griffith Park ga hike. Mir si ufem Mount Hollywood blibe bis d Sunne ungergange isch und hei somit e herrleche Sunneungergang gseh.
U nid z vergässe e fantasteschi Sicht über LA und z wäutbekannte Hollywood sign.
Ja u ner am Sunnti heimer Bikes gmietet und si uf dr Strandpromenade vo Santa Monica bis nach Dockweiler gfahre und hei dört es BBQ gha.
Aah und übrigens weni säge mir, de si drmit eiglech immer di angere students vor Schueu gmeint woni öpe mitne ungerwägs bi. 🙂
I cha fasch nid gloube dasi its scho ir dritte Wuche z LA bi, es geit auso zimli rasant gägem Exam zue…
Scho gli gits widr news, häbets guet!!
Patricia Zwahlen Said:
on 9. April 2015 at 18:03
Hallo Sarah
Hey, mega interessant! Das freut mi, dass es dir guet geit! Zwar heimer scho e bitz ghoffet, dass du Heiweh hesch u zrügg chunsch… Wir vermisse di alli sehr!!!!
Ne, nei ke Seich i gönne dir di Zyt vo Härze!!!! Gniess es, es wird für ewig i dim Härz bliiebe!!!! Ganz a lieba Gruess Patricia
Brigitte Palandrani Said:
on 9. April 2015 at 19:54
Liebe Sarah
Du erläbsch ja so einiges:), schön dass du’s so guet hesch u du di guet füehsch. Ja so Shrimps und augemein Sea-Food isch scho öppis feins. Aber ou BBQ isch a so tolle Orte immer guet. Mir chöi im Moment nume Träume vo dänä schöne Stränd auf Hawai, mir sie vou im Schuss im Zahlemeer!!! Gniesss dini Uszit u i bi immer wieder gspannt uf dini unterhaltsame Iträg.
Liebi Grüess us dr Schwiz
Brigitte
Eliane Roth Said:
on 15. April 2015 at 12:35
Hey Sarah
Äs isch spannend diner Brichte ds läse:) am liäbschte wär me mit derbi.
Gniess dini zyt i übersee u mach witer mit de Brichte.
Mir vermisse di sehr!!!!
Gueti zyt witerhin u blib gsund u zwäg.
Liäbs Grüessli us Bärn/Schwiz
Eliane