Las Vegas and other things

Uff, es isch e Wuche hĂ€r sitem letschte Bitrag u es isch e huufe glofe sit denn 🙂
Letscht MĂ€nti hani e Istuefigstescht gha und dĂ€ sowit bestande dasi im Cambridge course cha blibe… Am Abe heimer de so e Art welcome ApĂ©ro gha ufemne rooftop vomne Hotel (dir gseht, mis Vokabular vermischlet sich langsam mitem English^^). Dert hani zerscht mau z Hollywood sign gseh und gwĂŒsst dasi wĂŒrklech z L.A. bi hehe
Am Zischti am Abe simer nach dr Schueu in Westwood ga kĂ€fele und de gĂ€ge Abe nach Koreatown ga Korean barbecue Ă€sse. Es isch delicious gsi 🙂 zwar chli spicy, abr fein. I tue mi kulinarisch Horizont erwitere und gwöhne mi a aus 😉
Ja d LĂŒt hie si super, si zwar widr zwöi DĂŒtschschwizer i mire Klass abr mir gĂ€be ĂŒs aui MĂŒeh fĂŒr nid DĂŒtsch z redĂ€…
Jaaa und mis erschte weekend ufem Feschtland hani in Las Vegas verbracht 😀
Mir hei z fĂŒft es Outo gmiete und si id WĂŒeschti use gfahre… D Fahrt isch extrem und i meine wĂŒrklech extrem lĂ€ng gsi, eigentlech ĂŒbertribe fĂŒr nur es weekend. Abr es het sich glohnt!!
Es isch e fantasteschi Stadt, mit fasizinierendem nightlife. Mir si ga gamble, was ja so ĂŒeblech isch, hei aus verlore hahaha abr ja dr Verluscht isch fĂŒr aui verchraftbar gsi…
Ner simer zum Red Rocket Valley gfahre, hei dert Ă€ wunderbari Landschaft atroffe, si am Abe ane Party gange, und de am nĂ€chschte Tag ine Outlet ga shoppe… Und last but not least heimer natĂŒrlech z Las Vegas welcome sign gseh 🙂

image

Ja i hoffe i cha scho gli widr nöis verzeue, mir wirds uf jedefau nid lĂ€ngwilig, was abr o a de vile Husufgabe ligt womer jede Tag hei… Z Ziu isch ja schliesslech z Cambridge certificate^^



2 Comments »

  1. Vater Fredi Said:

    on 31. MĂ€rz 2015 at 22:47   Antworten

    Mit dĂ€ne komische MenĂŒ tröimsch de sicher gli asmau vonere Schwinsbratwurscht vo DĂ€llebachâ˜ș. Äs sigi schins oscho LĂŒt mitemene Vermöge vo LasVegas himcho. Muesch haut de no asmau gah.
    Gruess dr Fredi

  2. Margrit Marti Said:

    on 1. April 2015 at 22:14   Antworten

    Hallo Sarah
    Ich habe die Adresse von deinem Blog von „Vater Fredi“ erhalten. Schön, dass du dir diesen Traum/Wunsch erfĂŒllen konntest, um diese Reise zu machen. Profitiere davon und geniesse es. Diese tollen Erlebnisse kann dir niemand je wegnehmen. Die Erlebnisse und Erinnerungen wirst du bestimmt nie vergessen. Wenn du mit dem Cambridge Certificate in der Tasche nach Hause kommst, wirst du wahrscheinlich eine gefragte Person sein auf dem Arbeitsmarkt.
    Du schreibst deinen Blog sehr interessant und mit einer Prise Humor…, mach weiter so!
    Liebe GrĂŒsse aus der Schweiz, Meikirch,
    Margrit Marti

{ RSS feed for comments on this post} · { TrackBack URI

Leave a Comment